FørdeCup

Førde ligg omtrent midt imellom Ålesund og Bergen,  med 3,5 time til Ålesund og 2 timar og 45 min. til Bergen. Førde IL Fotball er ein stor breiddeklubb med ca 100 lag. Vi har tre 11`ar baner med kunstgras,  samt hovudstadion med naturgras. I tillegg har vi fire 7`ar kunstgrasbaner.

Førde IL Fotball har 4 tilsette i full stilling, samt fleire deltidsstillingar som alle jobbar med å få eit så godt sportsleg tilbod som mogeleg. Klubben vår er først og fremst kjent for mange utøvarar som gjer seg godt til kjenne på turneringar rundt om i landet og utlandet. Vi ligg i Sunnfjord kommune, som har om lag 22 000 innbyggarar.

Førde IL Fotball  har arrangert Sparebank 1 Sogn og Fjordane FørdeCup innandørs sidan 1997,  og vi har dermed svært brei og lang erfaring som arrangør. Denne Innandørsturneringa i november samla i 2025 inn 188 lag på parketten i Førdehuset, i Halbrendshallen og i Naustdalshallen.

Velkommen til Førde!